‑Bo nʋ ka se nɩ ɛ
11
Dafi 'a 'dʋ ɔ blea, ‑ɛ ‑nɩa 'e blei klaa" 'a 'dʋsbɛ 'di ɛ.
Tʋ "bo ‑nɩ 'ma sro' 'wlaa na'.
Dɛɛtɩ‑ ao 'na 'ɩn mu 'kwla pa
'de crʋ 'di ka nawɛ nɩa a‑?
2 Aoa wlu' ka 'de 'ʋn ‑pee, ao 'naa:
'Diwɔnnyniʋn nɩɛ ʋʋa'
poodɩ nmaea' 'de ‑ma ‑tɩ' 'ʋn,
ʋʋ ke ʋʋa' poodɩ a ji'
‑wɛe ʋʋ 'je "isrɛʋn 'sɩn poo "maʋ.
3 ‑Bo ‑gbu" 'a ‑gban a sea i ‑suua' a
‑mɛ ka "isrɛi ‑mɔ 'e nɩ 'e mu ɛ‑?
4 'Kaa Tʋ "bo nɩɛ 'e ɛɛ' ‑gbu" klaa"
‑ɛ ‑kwɛai 'di,
'bo ɛɛ' 'beɔ kpatɛ‑ "kpei 'de jaʋn 'di,
‑wɛe ɛɛ sie nyʋ ‑wee'‑ "klein "jriɛ o.
‑Wɛe ɛɛ kpaa ɩ ‑wee'‑ "jriɛ i.
5 Tʋ "bo "jrɛɛ‑ "isrɛʋ ke
'diwɔnnyniʋn 'a 'kmʋ 'mɛ.
Ɛɛ poɛ "isrɛʋ ‑mʋ ‑tɩ' o,
‑wɛe ɛɛ ‑flɛɛn 'diwɔnnyniʋn ‑wi" ‑mʋ.
6 Dɛ dɛ‑nʋɛ' dɩ ‑ɩ sea "i 'srɛ ɛ,
ɩmɩ ‑a ‑tɩ' ʋʋ kma‑.
Ɛmɛ ‑tɩ ɛɛ mu nɛni dbaa' 'de ʋʋpʋ‑ "kpei
‑wɛe ɛ 'e ʋʋpʋ‑ nɛ pooɔ' 'ʋn jaa.
7 Dɛ ‑nʋɛ Tʋ "bo a nʋɛ "isrɛdɩ jeejee,
ɛmɛ ‑tɩ ɛɛ ‑pɔn nyʋ ‑wee'‑ 'je dɛ 'dɔe nʋ.
Nyʋ ‑ʋʋ ‑srɛai" ɛ,
ʋʋpʋ‑ ‑a mu 'kmʋ nɩ ka nɩa' 'bo ɛ "juɛi.